Biblioteka Nashonal Kòrsou den kuadro di stimulá lesamentu ta bai tin un kampaña di membresia.

Membresia
Di 21 di yüni te ku 21 di ougùstùs tur persona por bira miembro grátis di Biblioteka Nashonal Kòrsou. Pa bira miembro bo mester subi nos pagina di wèp www.bnkcuracao.com i yena e formulario di registrashon.
Alabes por hasi esaki personal na BNK di djárason te ku djabièrnè di 13:00 pa 17:00, djasabra di 10:00 te ku 13:00.

Merkado Literario
Biblioteka ta sigui ku e parti aki tanten ku tin buki den stòk, di 1’or pa 5’or di atardi di djárason te ku djabièrnè, i djasabra di 10’or di mainta te ku 2’or di mèrdia. Durante di e merkado literario aki lo bende buki segunda mano, riba djasabra nos tin tambe algun mobilario segunda mano na benta. Bukinan di mucha ta Fl. 1,- i adulto Fl. 2,-. Por bini ku kaha òf saku di supermerkado i asina probechá di bai ku esaki na Fl. 10,- òf Fl. 15,-.

Biblioteka pafó
Djaluna 21 di yüni nos skema nobo pa e siman den bario ta bai ta: djaluna 21 di yüni di 10:00 – 12:00 na Mi Amparo i mèrdia 14:00 – 16:00 na Fundashon de Oleander, djamars 22 di yüni di Casa Cuna Villa Maria na Sta Helena di 8:30 – 10:00 i despues 14:00 – 16:00, djárason 23 di yüni di 14:00 – 16:00 na Krèsh Mi Casita, djaweps 24 di yüni di 15:00 – 16:30 na Fundashon Amigunan di Kristu, djabièrnè 25 di yüni di 14:00 – 16:00 na Sentro di Bario Sta. Rosa.

Instansianan ku ta deseá un bishita di nos koleganan di BNK por tuma kontakto ku nos na 841-BOOK (2665) tst 253, òf +5999526-0105 of email nos na lesa@bnkcuracao.com pa mas informashon.

Klientenan ku ta deseá mas informashon por akudí riba nos pagina www.bnkcuracao.com òf por email nos na dv@bnkcuracao.com of app nos na +5999-6705719, por yama nos tambe na 841-BOOK (2665) tst 209.

Biblioteka ku servisio nobo, pafó, i mas serka di bo!