Biblioteka Nashonal Kòrsou ta informá komunidat tokante nos orarionan nobo pa djasabra. Dia promé di yüli nos orario ta bira di 9or di mainta te ku 3or di atardi. Nos orario durante di siman ta keda mesun kos, di 8or di mainta te ku 6or di atardi.

Tene kuenta ku Biblioteka Nashonal Kòrsou ta sera djárason 6 di yüli pa 4:30 di atardi pa un aktividat di personal. Nos ta pidi diskulpa pa eventual inkumbiniensia ku esaki por kousa. 

Durante di fakansi nos tin planiá algun aktividat pa nos muchanan. Pa mas informashon por akudí riba nos website www.bnkcuracao.com, nos página di Facebook: Biblioteka Nashonal Kòrsou i nos whatsapp na +5999-6705719.

Nos ta invitá tur hende pa bishitá nos biblioteka i konosé nos edifisio nobo ku fasilidatnan mehorá. Nos ta orguyoso ku nos por ofresé un ambiente hospitalario i inspirativo kaminda tur hende por disfutá di bukinan, siña i deskubrí.

Biblioteka Nashonal Kòrsou kier probechá e oportunidat pa deseá tur hende un dushi fakansi i ta spera ku e yu(nan) a logra lo máksimo e aña aki na skol.