Direktor nobo di Biblioteka Nashonal Kòrsou

Sr. Arjen de Wolff ta e direktor nobo di Biblioteka Nashonal Kòrsou (BNK). Despues ku Konseho di Minister a bai di akuerdo ku su nombramentu, Hunta di Supervishon di BNK i sr. De Wolff resientemente a yega na un akuerdo.

Sr. Kamir Lopez, presidente di e Hunta di Supervishon, ta kontentu. “Biblioteka tin hopi reto su dilanti, p’esei mes nos a kana e proseso di selekshon ku koutela, manteniendo e organishon kontra e medidanan nesesario di ousteridat ku Kòrsou ta pasando aden. Tambe ta importante pa biblioteka inová, bira un sentro di informashon, enkuentro i konosementu segun normanan internashonal. Nos sa ku den señor De Wolff nos a haña e persona korekto pa guia e transishon kompliká aki.” De Wolff tin hopi eksperensia ku reforma den sektornan di gobièrnu i sektor públiko.

De Wolff a biba na Boneiru, kaminda el a manehá i reorganisá e konservashon di naturalesa STINAPA. Tambe sr De Wolff a biba i traha na e.o. paisnan di Medio Oriente, Washington DC i Kòrsou. Resientemente e tabata kolumnista den e korant Amigoe. De Wolff tin hopi eksperensia den e sektor di Arte i Kultura di Amsterdam i tambe den institushonnan gubernamental di Kòrsou, Amsterdam, Den
Haag i Brussel.

“Nos ta gradisí nos Direktor Interino señora Didi Wildeman”, asina sr Lopez a bisa. “Sra Wildeman a guia e organisashon ku hopi dedikashon i plaser den e periodo ku a pasa i duna inisio pa e reformanan nesesario. Den e periodo benidero, sra Wildeman lo yuda guia e direktor nobo i den futuro lo keda ligá
na Biblioteka”.

“Nos ta gradisí e antesesor di señora Wildeman, sra Yiannitzah Jacobus inmensamente pa tur su esfuerso i dedikashon durante su periodo interino”.

Sr Arjen de Wolff ta kuminsá ehersé su funshon na BNK dia promé di òktober próksimo.