Lesamentu ta hopi importante pa desaroyo intelektual di mucha. Djaluna 21 di sèptèmber, Biblioteka Nashonal Kòrsou ta bai kontinuá ku su proyekto ku ta forma parti di e Programa Nashonal di Lesamentu kual ta Lesa pa mucha na skolnan di fundeshi (Voorlezen). Mas ku 40 boluntario ta bai kontribuí un biaha pa luna na e proyekto aki.

E aña aki nos ta bai hasi bishita na 6 skol di Fundeshi kaminda nos boluntarionan ta bai “leesvoor” pa e muchanan di grupo 1 te ku Grupo 5. Esaki sigur ta tuma lugá di djamars te ku djabièrnè.

Biblioteka ke gradisí su boluntarionan ku ta bai inisiá e reto aki, i si tin boluntario ku ta interesá por tuma kontakto ku nos via di lesa@bnkcuracao.com.