Biblioteka Nashonal Kòrsou e aña aki tambe tabata tin su Mini Pasaporte di Buki. Esaki a tuma luga durante di fakansi grandi di skol kaminda mas ku 50 mucha a partisipá lesando buki. 37 di e muchanan a lesa 5 buki i konta esaki den un forma di relato of kuadro ku nan a pinta. Vigdis Jonkheer Mensing College i Albert Schweitzer School ta e 2 skolnan ku mas tantu mucha a partisipa na e proyekto di Mini Pasaporte di Buki 2021.

Pa di 3 aña konsekutivo Baskin Robbins ta opsekiá un regalito na e muchanan ku a lesa nan 5 bukinan. Baskin Robbins ta keda sostené nos BNK riba e punto pa sigui konsientisá y stimulá tur mucha pa lesa. Nos di BNK ke gradisí Baskin Robbins pa e bunita opsekio aki pa nos muchanan por sigui lesa saboriando di un èiskrim.Dia 13di sèptèmber nos Pasaporte di Buki ta kuminsa y lo terminá den luna di novèmber. Nos ta spera mayornan por enkurashá e muchanan pa por partisipá na e proyekto aki stimulando nos muchanan pa sigui lesa.

BNK ta sigui stimulá lesamentu durante di fakansi i Covid-19. Aparte di fia buki serka nos na Skalo nos tin tambe e opshon di fia buki Online. Nos Online Bibliotheek ta kompletamente grátis pa miembronan di BNK. Pa apliká por bishita nos riba website na www.bnkcuracao.com of nos Facebook pagina Biblioteka Nashonal Korsou pa mas informashon.