Mini Pasaporte di buki

Willemstad – Awe nos a kuminsá risibí nos promé MPB. Lesamentu ta hopi importante pa desaroyo intelektual di muchanan i pa tene muchanan aktivo ku lesamentu den fakansi tambe Biblioteka Nashonal di Kòrsou (BNK) ta bai lansa e proyekto Mini Pasaporte di Buki, den fakansi grandi te ku 14 di ougùstùs 2021 tur mucha di grupo 1 te ku grupo 8 di Kòrsou por partisipá.

Pa partisipá ta fásil. Muchanan di grupo 1 te ku grupo 5 ta entregá sea un pintura, relato òf un “collage” di kada buki lesá. Esnan di grupo 6 te ku grupo 8 ta traha un resúmen di mínimo 50 palabra di kada buki lesá. Na entrega di esakinan, kada mucha ta haña un steker den su pasaporte. Ku un mínimo di 3 steker e mucha ta risibí un sertifikado i esnan ku alkansá 5 steker, ta risibí un regalo tambe.

Pa mas informashon di e proyekto aki i reglanan di partisipashon, por tuma kontakto ku Biblioteka Nashonal Kòrsou na 841-BOOK (2665) òf via e email lesa@bnkcuracao.com

Ultimo fecha di entrega ta djasabra 14 di ougùstùs 2021.