Kòrsou; Biblioteka Nashonal Kòrsou den fakansi grandi ta sigui traha pa promové i stimulá lesamentu. Hasiendo esaki via di: “Pop-up Bibliotheek”, Pasaporte di Buki chiki i Plan di fakansi. Membresia ta grátis te ku 21 di ougùstùs 2021 pa tur persona.

Ku “Pop-up Bibliotheek” ta bai te den bario serka esnan ku no por yega e edifisio prinsipal di Biblioteka. Durante di e bishitá aki BNK ta hasi diferente aktividat edukativo pa tur persona entre 4 te ku 100 aña. Durante di e dianan aki BNK a bishitá diferente opvang, krèsh, plan di fakansi, sentro di bario i kasnan di hende grandi. Kada unu ku su atenshon i aktividat adaptá konforme e grupo. Alabes ta duna demonstrashon kon pa hasi uso di nos “Online Bibliotheek”. Un sistema pa lesa buki mas fasil ainda sin sali kas pa tur persona.

Pasaporte di Buki chiki sigur pa mas ku 7 aña tei pa muchanan por sigui lesa durante di fakansi. Muchanan di 4 t/k 12 aña tin e oportunidat pa lesa 1 buki pa siman i traha un relato “verslag” di dje. Esaki sigur ta depende di e mucha su edat. Na final ora e lesa tur 5 buki e ta risibi un “oorkonde” alabes un regalito.

Plan di fakansi a ranká sali ku 4 tema den Biblioteka kompletamente grátis. Promé tema tabata Baile. Kaminda tabata tin un enkuentro ku e muchanan tokante di baile i alabes nan tabata tin e oportunidat pa siña esaki. Siman pasa e tema tabata Kòki, huntu ku nos Kòki profeshonal internashon Danny Ribeiro. Danny a hasi demonstrashon kon traha salada di Tuna ku e muchanan i dòrna “cupcake” ku frosting.

Pa kualke pregunta of ta desea mas informashon di nos produkto i servisio  por tuma kontakto ku nos na Biblioteka Nashonal Kòrsou via nos website www.bnkcuracao.com, telefòn 841-BOOK (25665), email nos na dv@bnkcuracao.com òf por whatsapp nos tambe na +59996705719.