Resientemente New Song College a hasi tur su alumno nan miembro di Biblioteka Nashonal Kòrsou.

Meta di esaki ta pa e muchanan por haña akseso na bukinan digital via Biblioteka su Online Bibliotheek. Biblioteka huntu ku Koninklijke Bibliotheek Hulanda ta ofresé  via di su plataformá Online Bibliotheek mas ku 28.000 e-books na Hulandes i mas ku 1000 e-books na Ingles.

Di e manera aki New Song College i Biblioteka Nashonal Kòrsou ta keda stimulá lesamentu den tur forma i na tur momentu.

Biblioteka pa medio di e komunikado aki ta hasi un petishon na tur skol pa hasi uso di e oportunidat uniko aki pa hasi nan alumnonan miembro di Biblioteka Nashonal Kòrsou i apliká pa nos servisio di Online Bibliotheek.

Pa mas informashon por tuma kontakto ku nos na 841-BOOK(2665), dv@bnkcuracao.com òf por bishita nos pagina na www.bnkcuracao.com pa mas informashon.

Riba imagen por tuma nota di sra. E. Constantia – Sommer (Dosente i Direktor Interino di
New Song College) risibiendo e karchinan di membresia serka sr. Arthur Tholel (PR di Biblioteka Nashonal Kòrsou)