Entrante promé di yüni Biblioteka Nashonal Kòrsou ta introdusí algun servisio nobo, mas serka di su klientenan. Esaki ta nifika ku nos servisio ta bai ta mas digital i mas den bario serka di tur hende.

Biblioteka ta bai introdusí su siguiente servisionan:

• Servisio di fia buki te den bo bario.
• Aktividat den bario manera “voorlezen”, kombersá i interkambia riba nos historia i herensia, pero tambe informá i asisti hende di tur edat i tur desendensia di haña e informashon i konosimentu ku nan ta buskando.
• Servisio mas outomatisá i Biblioteka virtual te den kas di tur persona.

Próksimo aña, 2022, BNK ta selebrá su 100 aña di eksistensia. Pa prepará nos edifisio na Skalo, ku mester di renobashon i modernisashon pa duna públiko miho servisio, i sigur despues di algun tempu enkontrando diferente kontra tiempo tékniko e desishon a kai pa baha nos servisionan den e edifisio sentral na Skalo pa por implementá e mehorashon nan nesesario, i bai traha mas personal den bario i ta mas aktivo digital.

Pa entregá buki por hasi uso di nos buzon di buki na entrada di BNK.

Pa mas informashon por akudí riba nos website www.bnkcuracao.com, Facebook Biblioteka Nashonal Kòrsou, email: dv@bnkcuracao.com, whatsapp na +5999670-5719.