Started April 29, 2021
Hershell Rosario
Bio
Musiko bahista/ kitarista/areglista ku a toka fo’i su 12 aña den misa, fiesta di kas, club, hofi, Hotelnan, selebrashon formal/informal, pa riku, pober, ladron, Rei I Reina, Gobernador, evenementonan kultural, festivalnan di Tumba, Jazz i Pop.Ku mi 3 aña e interes a lanta tokando den kura di kas riba hember, wea, panchi. Tabata un dia grandi ora tio Rex a regalami un kuarta. Mesora e la siñami kon stem mi kuarta ku e famoso melodia “Kali tin pieuw”.
Ora 12or a bati ku tiru a tira mi a saka mi kuarta i kuminsa kompaña mi grandinan ku nan piesanan di puña di Kimu Candelaria. Esei tabata prome biaha ku mi a mira kon ku mi musika por mi hasi otro hende kontentu. Mesora mi abuelo Wewe a saka 50 florin pa mi kumpra mi prome kitara pa bai les serka Allan de Graaf.
E apoyo di mi mayornan tabata grandi!
Tur djasabra nan tabata hibami na les.
Asina mi a kuminsa deleita mi famia na fiesta di kas.
Djis despues mi a drenta grupo karismatiko na misa Brievengat. Aki mi a siña di hopi bon musikonan entre otro Benito Dolorita.
Na skol mi a bin sera konosi ku Johan Gonesh ku a introdusimi na su tio Andre Gonesh. Nos a forma un tipiko. Den mes temporada mi a drenta Tipiko Chapolin di hobenan entre 12-15 aña. E temporada aki nos a toka na Telefiesta, pa skolnan, seu, huntu ku mi amigunan di infansia: Raimy Juliet, Otty Pinus, Ven i Bol. Despues mi a djoin un di e miho tipikonan di e tempu ei, Tipiko Fantastico. Aki mi a siña konose kaya.. Tokanan den hofi, club, Centro Pro Arte, kasamentu etc. Tokanan tabata bai hopi bon i e lesnan na skol menos. Mi tata a pone un stop na tokamentu pa mi rondaf mi examen klas na Triniteit College. Entretantu m’a kuminsa bai PSC un aña den dia. Musika tabata persiguimi. Mi tabata praktika musika di salsa tempu di Radio Aeropuerto imitando Sal Cuevas, Bobby Valentin di FANIA ALL STARS. E Tempu aki musika tabata hopi interesante dor di fushonan di diferente genero salsa/jazz/klasiek/soul/rock/merengue etc. Bunita tempu ku a inspira hopi musiko. Huntu ku mi amigu Arnell Salsbach nos tabata anslisa e piesanan di e tempu ei pa anochi nos basha e salsanan durante tokanan di su banda La Nueva Generashon. Un temporada kaminda mi a siña hopi. Te ku awe Arnell i ami ta toka komo un bloke.
Despues mi a drenta pa un aña den agrupashon ENICA, di Nildo Martes i Erwin Coffie. Akinan mi a bin konose e bida di toka 7 biaha pa siman. Tur dia den un club i of hofi.
Durante un trmpu kortiku mi a forma parti di e banda Explosivos.
E grupo aki tabata konosi pa e genero di merengue.
Despues Kevin Carty a aserkami pa toka den SURVIVAL. Esaki tabata un grupo ku tabata toka musika Pop. Tabata bon chens pa toka musika di top40 den añanan 80/90, manera Earth Wind & Fire, Commodores, Withney Houston. Nos tabata toka hopi Show den teater, discotek. E tempu aki bista a kuminsa kai mas tantu riba mi. George Willems, Libea, Farley Lourens, Ced Ride, Tony Sherman, Melvin Landburg, Leslie Vos pa menshona algun di artistanan ku mi a akompaña durante di tempu di gloria di nos hotel i disconan.
David Ronchi Mathews a aserkami pa toka den su banda na e 1e Curacao Jazz. E tabata un reto grandi. Fo’i mi hubentut mi a atmira su grupo di Krioyo Jazz na tv-8. Mi tabata bisa mi tata ku un dia mi lo ke yega asina leu pa toka ku maestro Ronchi. Meskos a pasa dia mi a mira Ced Ride gana Festival Voz di Oro. Mientras tantu mi ta toka Jazz pa mas ku 30 aña ku Ronchi i ta fungi komo bahista/areglista di Ced Ride.Huntu nos a produsi un enorme kantidat di CD.
FESTIVAL DI TUMBA:
Mi a toka prome biaha ku LA NUEVA GENERASHON yuda aregla e piesa “un bon tumba” pa mama Mafalda.
Ku Farley Lourens nos a marka historia. Huntu ku Ravelo mi a aregla i gana 3 biaha konsekutivo Rei di Tumba. En total ku Farley Lourens 15 tumba di kua tin 3 biaha Rei Tumba, 1e finalista, 2do,3e,4e i den 10 mihonan.
Tico Benoni Balentin tambe nos a logra e titulo 1e finalista ku areglo ganado.
Ivonne Gumbs, CedRide, Elia Isenia, Niata Augusta, Yumaria Grijt, Jarnise Aitatus, Tico Libee, Ervin Yano, Johny Cornelia, Igmar Lareine, Cuco Cruz, Crisen Scorea, Amasia ta algun di e artistanan ku mi aregla nan tumba.
PRODUKTOR DEN STUDIO:
Arnell y Orquesta, Wano i Loesje,
La Perfekta, TUNE, OK band,
Magic Sound, Happy Peanuts, Doble R,
No Game, Pali Wiri, Chin Behilia, Makario Prudencia, Luti Samson, Ced Ride, Izaline Calister, Norman Moron, Reneau Cijntje, George Willems, Moment Of Praise, Jean Jaques Rojer, Konky Halmeyer, Aya I su Grupo, Serenada, Zjozjoli, Angelitos, Dominico Herera, Pavo Win, Irma Philbert, Melania Vander Veen, Joyce i Linda, Happy Band, Grupo Ekis, Pastor Raul
Proyekto dia di Mama volumen 1 t/m 10, Edsel i Juni Juliet, Tony Sherman, Leslie Vos, Maruja Boogaard, Tamara Nivilac, Krystle Rosario, Roxane Rosario, Fiesta di Lus Curoil ta algun di e tantisimo produkshonan ku mi a aporta na dje
JAZZ:
Ya pa 30 aña mi ta tokando Jazz komo houseband na AVILA BLUES ku musikonan vast: Ronchi Mathew, Lonte Conradus, Stanley Betrian,
JAZZ FESTIVALS:
Curacao Jazz ku Gerald Clarinda
Curacao Jazz ku Uti Gregorio
Curacao Jazz Festival 1993
Puerto Rico Jazz
Tur edishon BONAIRE JAZZ fest
Na Curacao North Sea Jazz (2011 ku Ronchi & friends), (2012 Hershel & friends), (2013 ku Pernell Saturnino & Friends).
ON TOUR:
Komo bahista mi tabata tin e previlegio di a forma parti di
varios agrupashon ku a presenta internationalmente:
Kitarista Luis Salinas di Argentina, ( Venezuela/ CostaRica)
Ku Chin Behilia: USA/Hulanda/ Belgica/ Inglatera/Scotland/Bonaire
Ced Ride: Hulanda/Trinidad/Cuba/ Aruba/ Bonaire/ Sto Domingo
Konky Halmeyer: Aruba/ Bonaire/ Puerto Rico, Brazil
Jean Jaques Rojer: Brazil
Meritza Haakmaat: Hulanda pa Winternachten festival
Norman Moron: USA/ Trinidad/Cuba
Ike Jesurun: Trinidad/ Chile
Last but not least:
For di prinsipio di mi karera te awe mi ta duna mi aporte inkondishonal na Iglesia Katoliko huntu ku entre otro Vonneta Laufer, Melania Van der Veen, Banda di Pastor Raul.
Video: