Started May 10, 2021
Rudy Emerenciana
Biografia
Na aña 1980 mi a gradua na Brabants Conservatorium komo kitarista klasiko y e ora ei pami ya tabata kla ku mi no tabatin aspirashon pa sigi e direkshon ei.
Mi a hasi e estudio djies pa sa algu mas di e mundu ei.
Na aña 1981 mi a haña trabou komo dosente di musika na Korsou y ma disidi di tuma e reto aki.
Na Korsou ma kuminsa duna les na kuater skol y den tempu liber train musika Jazz. Pami tabata un kos nobo y ma disidi di bai train piano riba mi mes.
Mi tabata skucha Oscar Peterson, Ramses Lewis, Bob James, Herbie Hancock y Chick Corea entre otro.
Den aña 1982 ma konose Randy Winterdal y dentro di poko nos a kuminsa train. Despues a bini aserka Juni ( mi no ta korda su fam) riba drum.
Segun mi Randy tabatin 17 y Juni 16 aña. Ami tabatin 30 aña.
Despues di duna les mi tabata pasa buskanan pa nos train.
Despues di poko tempu nos a kuminsa toka na “Vlaun” restaurant na otrabanda.
Eynan turistanan kedando na Holliday Inn y gusta Jazz tabata bin skucha.
Tabatin solamente un ju di Korsou ku tabata bin sinta skucha tur siman.
Esei tabata Franklin Rubiano ku tambe ta un kitarista di Jazz.
Den aña 1983 un amigu dimi ( Guus) for di tempu kumi tabata biba y studia na Tilburg a kuminsa un bar “De Tempel” den Punda y ma kuminsa toka einan ku Randy y algun otro musiko.
Juni pa motibu di skol no tabata por mas.
Tabatin musikonan ku tabata biba na Hulanda y Merka ku tabata bin jam ku nos ora nan tabata na Korsou. Algun tabata Eric Calmes y tambe Babalu y Roy ku Elmer Louis.
Mi tabata toka ku diferente drummer entre otro Ramon Penso, Turry Russel y Russ Henry.
Despues ma forma “ Straussen Jazz Quartet “ door ku e kos a kuminsa bira mas serio y mas yu di Korsou tabata bin skucha nos toka.
Nos tabata usa melodianan y kantikanan di Antiyas pa atrae hende lokaal tambe.
Nos tabata toka hasta e famoso kantika ‘Tula ‘ di Doble R.
Tin ora mi bon amigu y musiko ehemplar Igor Atalita ku toka hopi aña den mi showband tambe tabata bin toka ku nos un ratu.
Despues un dosente ku tabata traha na U.N.A. a invitanos pa duna un konsierto na Una.
Tambe nos a kuminsa toka na Fort Waakzaamheid.
Nos a kuminsa na un cafe den Saliña tambe pero e nomber si mi no ta korda mas.
Entre otro Stanley Betrian (kitara) y Javier “ Yuchi” Cordoba (conga) tambe a join e grupo y nos tabata toka bastante y mas hende lokal a kuminsa kompronde y apresia e musika.
Den aña 1985 ma stop e grupo komo ma bira demasiado druk ku shownan ku kantantenan pero tambe tin ora foi ekterior.
Den aña 1986 ma bai biba Hulanda bek y korto tempu despues nos a bin Korsou pa toka den e prome Jazz Festival di Korsou.
Nos grupo tabata konsisti di Felix Walroud ( steeldrum), Lucas van Merwijk ( Drum ) Eric Calmes (bas) y ami riba piano.
Despues ma bin Korsou tambe ku un Jazz Band pa toka den KLM Jazz Festival.
Ma toka den differente konsierto di Jazz na Hulanda y tambe ekterior.
Aña 1993 ma bolbe bin Korsou bin biba.
Ma kuminsa toka ku Uti Gregorio, Watty Wout y Gilly na un restaurant na Sea Aquarium kompajando e kantante “ Krissy”.
Despues Franklin Rubiano a puntrami pa toka kune na The Blues Cafe.
E gig aki no a dura largu y despues Hershel Rosario a puntrami pa toka kune y nos a toka algun aña nos dos tokando Smooth Jazz lokual e hendenan tabata gusta hopi.
Despues di algun aña nos a puntra Ronchi pa join nos.
Despues di algun aña nos a disidi di parti e gignan ku otro grupo pa evita malkontentu entre musikonan ku tambe a kuminsa reklama ku ta nos só tabata toka einan.
Pero e doñonan di Hotel Avila tabata hopi kontentu ku nos musika.
Nan tabata invita nos tambe ora un bedrijf tabata tin un receptie of algu otro.
Ronchi mi konose foi tempu ku nos tabatin 12 aña ya tokando den bandanan musikal.
Despues nos a toka huntu korto tempu den “Supersix” y tambe “ Fresh Water”.
Nos a toka basta tempu na Hotel Avila ku hopi eksito.
Despues Uti tambe a puntrami pa toka kune den The Blues.
Ku Uti y Gregory Colina tambe ma toka basta na The Blues.
Tambe ku Watty Wout y Uti nos a toka basta einan.
Aña 1996 Curacao Jazz Foundation a invitami y ma forma mi grupo “ The Tropical Jazz Band “ y nos a aktua huntu algun artistanan y gruponan international.
E tempu ei e tabata tuma luga na Mambo Beach.
E konsierto tabata un eksito y mesora ku nos a baha foi stage e organisashon di Jazz di Venezuela tabata ke pa mi forma pa Jazz Festival di Venezuela.
Pero si tin un kos ku ma siña ta di pensa bon prome ku firma.
Y e tempu ei no tabatin un artiestenbureau of algu asina pa bo kontempla.
Mi grupo Tropikal Jazz Band tabata konsisti di Ronchi ( keys), Marcus ( conga), Hershell ( bass ), Lonte ( drum) y ami riba kitara, saxy flauta. Nos tabata wordu reforsa tin ora pa gran musikonan manera Chief y tambe Tito y Urnie.
Despues nos a toka basta tambe na “Ole Ole” na Saliña.
Mi a yega di mira kon e luga tin ora tabata yen te tin hende a disidi di bai kas of otro kaminda paso no tabatin mas luga pa buta hende.
Den e temporada ku mi a biba na Korsou ma toka ku praktikamente tur e musikonan ku ta toka Jazz y semper ku hopi placer.
Mi a toka na New York ku mi bon amigu Igor Atalita ku mi tin hopi apresio pe.
Delaster bia ku mi a bai New York tabata riba invitashon di dos Merikano ku tabata kere den mi.
Toch ma disidi di no bai biba ayanan.
Ma aktua ku Izaline Calister tantu na Korsou komo na Hulanda.
Tambe ku nos maestro di perkushon Pernel Saturnino.
Na Hulanda ma aktua tambe ku otro maestro Randel Corsen.
Tin un kos ku mi ta haña hopi importante pa bisa.
Lastimanente na Korsou no tin luga pa toka Jazz. Nos gobernantenan tin nan boka yen di balor di ekpreshon pero den praktika bo no ta mira esei.
Mi ta spera nos haña un manera pa sostene e hobenan supertalentoso di e pida baranka aki.
No usa e pribilegio ku bo tin komo mandatario solamente pa eleva bo status pero yuda di berdat pa nos tin un sociedad mas balansá y ku menos kriminalidad.
Tur loke ma hasi y tur e luganan ku mi a toka Jazz ta pasobra mi a studia no solamente musika pero tambe marketing.
Esei a judami masha hopi mes den e buskeda pa haña luga pa toka.
Mi tambe ta sinti falta di un lluga manera Roxy, Cinelandia , West End y Centro Pro Arte kaminda mi tabatin e plaser y honor di toka y ku a yudami krese y forma mi mes musikal y spiritualmente.
Mi tin pas ku tur loke mi a hasi y tambe keda sin hasi pa motibu di prinsipio.
Mi delaster stage performance na Korsou tabata na memoria di John James Wilkes.
Pas na alma di tur e amigu / musikonan ku a fallece kaba.
Video: